Tuesday, April 4, 2017

Indian national hinoldup sa Legaspi City



LEGASPI CITY 4/4/17 (BICOL STANDARD) – Duwang lalaki na nakasulot helmet na takop an enterong pandok an suspechado sa pagholdup sa Indian national na nabisto sa pangaran na Kiran, kasubanguing alas 7:15 sa Brgy. Cruzada digdi.

Segun sa pulis, an 27 anyos na victima, taga Kurlan Haryana, India, alagad temporaryong nag eestar sa Sweet Homes, sa nasambit na barangay.

An victima, estudiante sa AMEC.

Kabale sa nalalay kan holduppers iyo an Ipad tablet asin an saiyang passport.

Ipig report an incidente sa pulis , na tulos nagpadara man nin mga tawohan tanganing hanapon an mga suspechado.

An mga holduppers nagpaharorot kan saindang piglulunadan na motorsiklo pasiring sa direksyon kan Lakandula Druva, pakalihis kan incidente.

Nagpapadagos pa an pagsiyasat hasta ngonian.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...