Thursday, April 20, 2017

FLASH NEWS | 9 anyos pinokpok sa payo, nakuang gadan sa Daet, CNorte

DAET, CNorte 4/20/17 (BICOL STANDARD) Sinapok-sapok, saka pinokpok nin gapo sa payo kasubanguing poco mas o menos alas 10:00 an nueve (9) anyos na aking lalaki na nakuang gadan sa irarom kan tulay kan Daet, ngonian na alas 6:00 nin aga.



An victima nabisto sa pangaran na Cris Henry Tallado, taga Paracale, alagad naglayas sa saindang harong sa Paracale huli ta suboot pigkukulgan siya kan saiyang tiyaon, na saiyang pig eestaran.

An ama kan victima yaon ngonian sa laog kan Provincial Jail kan Camarines Norte ta pig bibistahan sa casong Physical Injuries, huli ta binuhosan niya nin acido an saiyang agom, na iyong nagkaso saiya.

Sa presente an ina kan victima igwa na nin kasaroan kaya mayo nang nag-aasikano sa victima kaya nakiki-estar sana sa tiyaon. Ini an rason kun tano ta nagdulag an victima asin napirme na digdi.

Mientrastanto, sarong menor de edad an nagtestigo na naheling niya asin aram si pangyayari antes na ginadan si Tallado.

Sa intrevista kan BICOL STANDARD, sinabi kan testigo na an victima haloy na pinipirit kan 15 anyos na lalaki na magiba saiya sa paghabon sa sarong harong sa Camambugan digdi.

Nagsayumang mag-iba an victima.

Huli kaini, sinapok-sapok siya. Ginapos an duwang kamot nin straw asin linotok nin gapo an likod na parte kan payo kan 9 anyos na victima.

Kan maheling kan suspechado na malaen si tama kan victima, dinara ini sa Daet Bridge 1 asin duman itinuklang, kaya sa irarom kan tulay nakua an bangkay.

Nagpapadagos pa hasta ngonian an imbestigasyon.

An suspechado na bantog sa apod na “Tondo Boy,” hinahanap na ngonian kan mga awtoridad.

Sinabi pa sa report na an grupong ini kan mga layas na aki sa Daet inaapod na “rugby boys” nin huli sa paggamit nin solvent. (With report from Ramil del Moro).
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...