Saturday, April 1, 2017

Daragita sa Ligao City ginadan sa tilok; dai linupigan


LIGAO CITY 3/31/17 (Bicol Standard) -- “Ginadan por medyo nin pagtilok.” Ini an pahayag ni PCI Arthur Gomez kan Albay PNP, dapit sa kaso kan 15-anyos na estudiante na ginadan sa cuarto kan LC Lodge kan sarong aldaw.

An victima taga Brgy Nasisi asin estudiante sa NHS.

Sabi ki Gomez, mayo nin senyal na linupigan an menor de edad segun mismo sa ginibong autopsy sa saiyang bangkay.

Sa presente, an pulis igwa na nin natipon na mga evidencia na pwedeng magtukdo kan responsable kan krimen. Alagad muya nindang maseguro na pusog an papasandigan kan isasangat na kaso.

“Pig bibilog pa kan mga imbestigador an mga affidavits asin dugang na mga prueba antes na magsunad nin reklamo sa suspechado,” sabi kan pulis.

Hasta sa presente, dai pa sierto kun pira talaga an pwedeng sangatan sa reklamo nin huli ta 2ng personas an naheling kan mga testigo na nagsundo kan victima sa sarong lugar.

An sabi kan testigo, pinalunad an babae sa motorsiklo dangan dinara sa LC Lodge na kun saen kakua an saiyang gadan nang lawas.

An mga imbestigador igwa nin pugol na informasyon an an suspechado dati nang imbuelto sa paghanap nin mga menor de edad na binabayadan para makuanan sana nin video, na ipinapabakal.

Nangapodan guiraray an pulis sa sisay man na may aram sa kasong ini na makipagtabangan sa sainda para maresolveran an krimen.
Share:

Featured Post

Daet ex-mayor convicted of malversation, graft charge

Former Daet, Camarines Norte Mayor Tito Sarion MANILA 10/12/17 (Bicol Standard) -- Former Daet, Camarines Norte Mayor Tito Sarion wa...