Saturday, April 1, 2017

Daraga, naloko nin P16K sa paagui kan Smart Padala


TABACO CITY 4/1/17 (Bicol Standard) – Nadaya nin kantidad P16,000.00 an sarong residente kan P-1, Brgy San Lorenzo digdi nin huli sa grabeng confianza asin pagmawot na makatabang sa magurang kan saiyang ilusyon na suboot naka-confine sa hospital, pero dai man palan.

Nag-osip an victimang si Edel Queen Bogingot y Tuason na may nag-apod saiya sa cellphone na nagpabistong tugang kan saiyang ilusyon, asin naghagad nin kantidad P10,000.00 para sa naghehelang suboot na ina kan saiyang boyfriend, na an ngaran Fe.

Huli sa pagmakulog sa ngapit magiging panugangan, napadara tulos si Boringot nin kantidad P10,000.00, sa paagui kan Smart Padala, na hale sa nagpabistong tugang kan saiyang ilusyon.

Nakalihis sana an pirang oras, nagtext liwat an suboot tugang kan saiyang ilusyon. Iba nang numero kan cellphone an gamit. Naghagad liwat nin cuarta asin pinadarahan niya nin kantidad P4,000.00.

Igwa pang sunod na apod, kaya tinawan liwat nin P2,000.00, anas sa Smart Padala.

Huri na kan maaraman ni Boringot na an nag-aapod saiya bako man si Bless o Blessilda na tugang kan nobyo niya. Iba man na tawo, na dai niya bisto. Swindler palan, na ginamit sana an pangaran ni Blessilda.

Naaraman niya na dai man nin helang an magurang kan saiyang ilusyon.

Mientrastanto, pig probaran kan pulis digdi sa magkaigwa nin entrapment operation para madakop an nagloko saiya.

Alagad, dai na ini nag-apod sa saiya

An total na cuarta na nakua sa victima kan estapador may total na P16,000.00.

Liwat, nagpatanid an pulis na dai basta magtiwala sa dai bistong tawo. Ini an parateng ginagamit na paagui kan mga manlokolo gamit an Smart Padala.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...