Monday, April 17, 2017

Daraga nag-ikit deodorant sa LCC, dakop kan sekyu


NAGA CITY 4/17/17/ (BICOL STANDARD) Maski dikit sanang kantidad an imbuelto, alagad sasangatan man guiraray nin kasong pag-ikit an 19 anyos na daraga na nabisto sa pangaran na Rizza Mas Simbahon kan Sta. Cruz digdi.

Si Simbahon itinukdo kan security guard na si Arvin Ambay y Tampoco na naka duty sa LCC Expressmart sa MT Villanueva Avenua, sa barangay Bagumbayan Sur, Naga City.

Sabi kan sekyu, dinakop niya an suspechadong daraga ta naheling niyang nag-ikit nin 2ng deodorant body spray, 50 ml na patago na ilinaog sa bag na dara. An valor kan kan inikit na deodorant body spray, Php 89.00 sana man kuta an kada saro.

Alagad, kaipohan na panamiton nin reklamo sa jusgado para maraya an mga nag-gigibo kan siring na pan-salisi.

An sabi kan sekyu, naheling niyang na naghikihik an suspechado paluwas sa tindahan na dai nagbayad kan saiyang kinua na efectos sa estante.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...