Sunday, April 30, 2017

Cafgu binadil sa payo sa bukid kan Libmanan


NAGA CITY 4/30/17 (BICOL STANDARD) – Binadil sa payo, may tama sa abaga, kalamias, kamot asin toong bitis si Nestor Musa y Nacor, miembro kan Cafgu na nakadistino sa bukid na barangay kan Barangay Villasocorro, Libmanan, Camarines Sur.

Si Musa taga Barangay Dakulang Tubig, San Fernando, Camarines Sur.

Susog sa report kan pulis, an victima tulos binawian nin buhay sa pinangyarihan kan krimen.

Base sa report, an si Musa hale sa Barangay Cambalidio Patrol Base kan 22IB kan Army kan badilon siya kan dai nabistong tao, gamit an dai pa aram na klase nin armas.

Mayo pang malinaw na informasyon kun ano an motibo kan krimen.

An nagiimbestigar kan casong ini iyo an Libmanan Municipal Police Station.
Share:

Featured Post

Faeldon Jr., dakop sa Naga City sa drug raid

NAGA CITY--Nagpahimutik si Nicanor Faeldon Jr., aki kan pamayo kan Bureau of Corrections (BUCOR) na si Nicanor Faeldon, na dai siya im...