Tuesday, April 11, 2017

Burat, nalamos sa hababaw na tubig sa Albay


STO. DOMINGO, Albay 4/11/17 (Bicol Standard) -- Posibleng nalamos sa tubig na an rarom tres pie may otcho pulgadas si Jose Marco y Balabaldo, 50 anyos, na nakuang gadan sa Brgy. San Isidro sa banwaan na ini.

Sabi sa report, natuparan kan nagrespondeng grupo sa victima na nakadapla sa tubig, na mayo nang hinangos.

An victima sabi pa, burat kan mapadapla ini sa hababaw na tubig, na iyo na an naging causa kan saiyang kagadanan.

Idinalagan pa kuta si Marco sa Bicol Regional Teaching and Training Hospital kasuodmang alas 6:00 nin aga, pero ipig declarar kan doctor na siya gadan na.

Nagpasabot an mga paryente kan victima na dai na ipa-autopsy an saiyang lawas.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...