Monday, April 17, 2017

Burat, nahulog sa spillway, inatong sa salog, gadan


SAN LORENZO RUIZ, Camarines Norte 4/17/17 (BICOL STANDARD) – Posibleng nahulog sa salog, pakatapos na mapahalnas sa spillway si Danilo Albios y Okayan na nakuang gadan sa Purok 3, sa barangay San Antonio, kan banwaan na ini.

Si Albios, base sa imbestigasyon, nakipag inoman sa harong ni Rodulfo Corvilla sa Purok 1, San Antonio digdi kan sarong aldaw, antes na mangyari an nasambit na incidente.

Nakua an bangkay kan victima kasuodmang alas 7:00 nin aga, na nakadapa asin may mga rungas sa toong parte kan saiyang lalawgon asin may mga malalata na parte sa lawas.

Makusog an pagtubod kan mga naka-sapod kan victima na nadisgracia ini na mapahalnas sa peligrosong spillway, na saiyang inagihan mantang papuli na sa saindang harong.

An bangkay kan gadan yaon ngonian sa funeraria sa Daet, Camarines Norte.

An nakatupar kan bangkay kanni Albios iyo si Arlen Saluya y Ventura, na nag-eerok man sa nasambit na barangay.
Share:

Featured Post

Bicol Central Station to launch online booking and payment portal this week

NAGA CITY (Bicol Standard) – The Bicol Central Station will launch on August 23 its Online Booking and Payment Portal as part of the st...