Saturday, April 29, 2017

Big time shabu dealers sa PIODURAN, dakop

PIODURAN, Albay 4/29/17 (BICOL STANDARD) — Tulong magturogang na may apelyedong Del Mundo an inarestar kan mga tawohan kan Philippine Drug Enforcement Agency PDEA), Provincial Public Safety Company asin kan Albay Police Provincial Office sa ginibong operasyon sa Barangay 3 digdi.




An tulo, nabisto sa pangaran na iyo sinda Benny del Mundo, na sarong barangay kagawad, 39, Philip del Mundo, 33 asin Rommel del Mundo, 37 anyos.

An matuang del Mundo, na opisyal kan barangay consideradong high value target kan mga awtoridad.

Sarabay sindang pinosasan pakatapos na servehan nin search warrant na firmado si Judge Edwin Ma-alat kan Branch 14 kan Regional Trial Court (RTC) sa Ligao City.

Maatubang sindang kasong pagbalga kan RA 9165, o an inaapod na Comprehensive Dangerous Drugs Act of 2002.

Kan iserve an search warrant sa saindang residencia nakakua an mga awtoridad nin 6 na selyado pang mga pakete nin shabu, tulong bukas nang pakete na may laog man nin droga, asin mga paraphernalia sa pag gamit nin shabu.

Sabi sa report, nakua kan mga pulis hale ki Philip del Mundo an 16 na selyado pang pakete asin saro na bukas, na an laog pigtutubodan na shabu. An iba pang nakua saiya iyo an mga drug paraphernalia asin mga piniripit na pinaalang na dahon nin marijuana.

May nakua man nin 9 na paketeng shabu hale ki Rommel del Mundo asin mga drug paraphernalia.

Base sa record kan PDEA, si Philip iyo an ika 7 sa Provincial Drugs Watchlist.

Saro na ini sa mga darakulang accomplisimiento kan pulis digdi.

An magturugang na del Mundo anas nasa laog kan carcel ngonian.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...