Sunday, April 16, 2017

Awto ni Father asin ni Attorney, nagbunggoan sa Ocampo, CSur

Retrato kan Ocampo MPS

OCAMPO, Camarines Sur 4/16/17 (BICOL STANDARD) -- Pareyong may lugad asin bakros sa saindang lawas an padi asin abogado na nakalunad sa suway na vehiculo na nagbunggoan sa Barangay Old Moriones digdi.

An mga inbuelto sa aksidente iyo an awto ni Atty. Kim dela Fuente na taga Goa, Camarines Sur asin an saro, ki Padre Roldan Tordilla, an kura paroko kan San Rafael, Tigaon, Camarines Sur

Si Dela Fuente iyo an nagmamaneho kan saiyang awto na Isuzu Sportivo, kaiba an saiyang agom na si Rudy.

An kabungguan na awto, Isuzu Crosswind, pigmamaneho ni Ruel Tordilla, asin kaibahan niya si Padre Tordilla asin si Michael Masbate.

Sabi sa imbestigasyon kan pulis, kinakan kan Isuzu Crosswind an linya kan kasabatan na Isuzu Sportivo kaya nangyari an aksidente.

Alagad, sabi pa sa pagsiyasat, pareyo marikas an dalagan kan duwang vehiculo na na-aksidente.

An mga victima digdi anas dinara sa hospital tanganing ipabulong.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...