Monday, April 3, 2017

ABC Pres Mercado kan Ragay, inarestar kan CIDG



RAGAY, Camarines Sur 4/3/17 (Bicol Standard)–Maatubang nin kasong Illegal Possession of Firearms and Ammunition si Petronilo "Petling" Mercado y Gutierrez, an ABC President kan banwaan na ini, asin Punong Barangay kan Lohong.

Nadakop si Mecado por medio kan ginibong operasyon kan Criminal Investigation and Detection Group (CIDG) sa tabang kan PNP Ragay.

Linaog an residencia ni Mercado kan mga taga CIDG sa paagui kan Search Warrant na firmado ni Judge Cecilia Borja-Soler kan Branch 29 kan Regional Trial Court (RTC) sa Libmanan, Camarines Sur.

Nakua sa saiyang residencia iyo an duwang makukusog na mga badil, arog kan M16 rifle (armalite) asin machine gun, asin mga bala para sa nasambit na mga armas.

Si Mercado yaon ngonian sa kamot kan mga awtoridad mantang ginigibo an imbestigasyon.
Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...