Friday, April 7, 2017

EXCLUSIVE | 4 na parasira na taga Tabaco City, nawawara


GARCHITORENA, Camarines Sur – Apat (4) na mga parasira na nagdayo sa tungod kan dagat kan Caramoan asin Garchitorena an hinahanap ngonian, nin huli ta poon kan paglawod ninda kan Abril 2, mayo nang noticia kan saindang kamugtakan.

Si Edwin Lara, consejal sa banwaan digdi an nagsabi sa BICOL STANDARD na pig informaran sinda ni Brixcio Varzaga, parditaryo kan mga nawawarang para sira.

Sabi ni Varaga, an kapitan kan baroto iyo si Alex Bredes, kaiba an mga parabanwit na sinda Ronieboy Bien, Gorio Bora, asin sarong may pangaran na Jason, na bayaw ni Bredes.

An mga nawawarang parasira mga taga San Miguel, Tabaco City.

Nagfuersa sindang maglawod kan fecha 2 ngonian na bulan, mantang darakula an hukol.

Nakiolay an informante na tabangan sindang mahanap an mga nawawarang parasira.

Mientrastanto, sabi ni Municipal Councilor Lara naglansar naman sinda nin rescue operation.

An mga nawawarang para sira ultimong naaraman na naglawod sa parte kan Caramoan asin Garchitorena, sa dagat na nakahampang sa Pacifico.
Share:

Featured Post

Bicol Central Station to launch online booking and payment portal this week

NAGA CITY (Bicol Standard) – The Bicol Central Station will launch on August 23 its Online Booking and Payment Portal as part of the st...