Saturday, April 29, 2017

3ng lalaki nadakop may badil, bala, etc., kakasohan kan pulis

MASBATE CITY 4/29/17 (BICOL STANDARD) – Maatubang nin kaso kriminal si Ritchel Mendoza y Boa, residente kan Barangay Magsaysay, Esperanza, Masbate huli ta nadakop siya na may sukbit nin calibre .357 na badil na mayo nin lisensya. Nakua pa sa saiya an mga bala, capsula, asin iba pang gamit na pwedeng usaron sa pag komiter nin krimen.




Naaprehendir si Mendoza sa checkpoint. Kaibahan niya iyo sinda Jason Mangubay y Arriesgado, para sira, asin Albert Ybanez y Ynot, para sira man, na taga Poblacion, Cawayan, Masbate.

An casong saiyang aatubangon iyo an pagbalga kan RA 10591, o an Illegal Possession of Firearms and Ammunition.

Nadakop sinda sa Barangay Sto. Nino, Cataingan, Masbate.

Sabi sa report, nagbugtak nin check point an mga tawohan kan Cataingan MPS, asin an 5th Maneuver platoon kan mag-agi an mga suspechado na nakalunad sa motorsiklo.

Hale sa saindang mga darang gamit, nakua kan mga awtoridad an nasambit na mga contrabando.

Afuera kan badil asin mga bala, igwa pang nabotbot an mga awtoridad nin cash na P150.00; 1ng holster, ball cup, peluca (wig) , asin cellphone.

Pighahanda na an mga kaso na isasangat kontra sainda.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...