Friday, April 21, 2017

3 gadan sa baradilan kan Army vs. NPA sa Masbate


CAWAYAN, Masbate 4/21/17 (BICOL STANDARD) -- Sarong 70 anyos na gurang na babae asin duwang mga aki an nagadan kan mapatahaw sinda sa nagbabaradilan na mga mga soldados kan gobierno asin mga pigtutubodan na mga rebelde.

Nangyari an baradilan sa Sitio Lubigan, Barangay Panan Awan, sa banwaan na ini kasuodmang alas 5:30ng mag-omagahon.

An sabi sa report, an mga miembros kan 3rd Scout Ranger Company, na pinapamayohan ni Lt. Karl John Cabillo yaon sa combat operation kan masumpongan an mga rebelde.

An mga rebeldng NPA nagpahipli sa luwas kan harong ni Paulino Pepito y Cuyos, 70 anyos na balo.

Mientrastanto, an mga nasa laog kan nasambit na harong iyo sinda Lolita Pepito y Villamor, 70 anyos, may agom asin an saiyang mga makuapo na sinda Crislyn Pepito, 11 anyos, grade 4 asin Reden Pepito, 9 anyos namugtak sa tahaw kan nagbabaradilan na grupo.

An resulta, tinamaan nin bala sinda Lolita Pepito, Crislyn Pepito asin Reden Pepito, na nagresulta sa saindang kagadanan.

Si Pulino Pepito, sa ibong na lado, nagsapo nin tama nin bala sa saiyang walang takyag.

Pakalihis kan baradilan, an mga rebelde nagdurulag pasiring sa dai madeterminaran na lugar.
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...