Wednesday, April 19, 2017

2ng lunad sa motorsiklo gadan sa Nabua, CSur

NABUA, CSur 4/19/17 (BICOL STANDARD) – Duwang personas na nakalunad sa motorsiklo an binawian nin buhay kan makabudal an saindang piglulunadan na motorsiklo sa poste, sa guilid kan tinampo sa Barangay San Antonio digdi.


Nabisto an mga nagadan na iyo sinda Isaac Abinal, 62 anyos, asin Meriam Abinal-Coronel, 36 anyos an edad.

Sabi sa imbestigasyon, nawaran nin control sa manibela kan motorsiklo si Abinal, mientras na bwelong nagpapadalagan kan vehiculo sa tinampo.

Huli kaini, nakadagpak sa poste si Isaac Abinal, asin an kasuno niyang si Miriam dangan nagbaralintong hastang makalampaw sinda sa kale.

An driver na si Abinal nagadan mismo sa pinangyarihan kan aksidente.

Si Mirian ihinatod pa sa hospital, pero gadan na kan makaabot sa pabulongan.
Share:

Featured Post

Do not give alms to street dwellers, DSWD appeals

MANILA—The Department of Social Welfare and Development (DSWD) is once again reiterating its call to the public to refrain from giving ...