Monday, April 10, 2017

11ng para tsungki nadakop sa Naga City


NAGA CITY 4/10/17 (Bicol Standard) Sasangatan nin casong pagbalga sa Drangerous Drugs Act of 2002 an 11ng katawong naabotan kan mga pulis sa duwang harong sa Triangulo digdi mientas na nasa drug session.
An saro sa 11ng ini, 15 anyos an edad.
Durante kan buy bust operation nag abot tulos si PC/Supt Melvin Ramon Buenafe, an Regional Director kan Police sa Bicol.
Sa intrevista ki Buenafe inako niya na haloy na pig manmanan kan pulis an kasong ini.
Inabotan mismo sa harong na sadire ni Eufemia Ambulo an mga nadakop na nasa drug session.
Nakakua an mga awtoridad nin 13ng sachet nin pigtutubodan na shabu asin dagmang na mga gamit sa pag gamit nin shabu.
Mientastanto, nagpahayag ni Ambulo, an kagsadire kan harong, na dai niya aram na an saiyang pa-arkilahan na harong iyo an ginigibong tatagan kan mga para shabu.
Siya pa suboot an nagpasabot sa mga opisyal kan barangay kan nasambit na problema.
An mga suspechado yaon ngonian sa kamot kan mga pulis, mantang pighahanda an kaso na isasangat kontra sainda.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...