Saturday, April 22, 2017

1 pulis nalugadan sa nagputok na bomba sa Masbate

USON, Masbate 4/22/17 (BICOL STANDARD ) — Sarong pulis an nagsapo nin lugad kan magputok an improvised explosive device (IED) na suboot i-tinanom kan mga rebeldeng communista.




An bomba nagsabog mantang an sarong grupo nin pulis pasiring sa pag-responde nin sarong insidente digdi kan Byernes, sabi sa report ngonian na Sabado.

An victima nabistong si PO 1 Celito Amistad.

May mga lugad siya nin shrapnel hale sa nagbuag na IED na ibinugtak sa guilid kan tinampo sa Barangay Badling, tulong kilometros an distansya hale sa mayor na tinampo kan Uson, alas 4:00 nin aga.

Pakalihis kan pagbuag kan bomba, nagpoon nang paarak-asakan nin bala an mga pulis, na nakilaban sa mga rebelde nin dai makulang sa 20 minutos na baradilan.

An carculo kan mga pulis, nakasagupa ninda an dai makulang sa 80ng mga NPA, sabi ni SPO4 Manny Marcaida.

Si Marcaida iyo si team leader kan mga pulis kan mangyari an incidente.

Pakalihis nin 20 minutos na baradilan, nagdurulag na si mga rebelde pasiring sa dai maaraman na direksyon.

Si Amistad yaon ngonian sa MC Hospital sa Masbate City nagpaparahay.
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...