Monday, April 17, 2017

1 gadan, 4 irido sa aksidente sa Pili, CSur



PILI, Camarines Sur 4/17/17 (BICOL STANDARD) –Saro an nagadan sa nangyaring aksidente nin limang mga vehiculo sa banwaan na ini, sabi ni PCInsp. Chito Oyardo, an jefe kan pulis digdi.

Binawian nin buhay iyo si Dominador Agor, 63 anyos na tugang ni alkalde Leonardo Agor Sr., kan banwaan nin Gainza, Camarines Sur.

Sabi kan mga imbestigador, afuera kan nagadan, an driver kan tricycle na si Benito Calongui asin an apat na mga motorcycle riders na hale pa sa Metro Manila an may mga rungas asin bakros sa saindang lawas.

An mga nakalunad sa motorsiklo papuli na kuta sa Manila kan masabat an trahedya.

Mientrastanto, nagluluwas sa pagsiyasat na binudalan kan truck na pig mamaneho ni Rolly Estur an tricycle asin nahagop pa an tulong mga motorsiklo na pasiring sa Manila.

Masangat nin magkakanigong kaso an pulis kontra sa responsable sa nangyaring aksidente sa tinampo.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...