Tuesday, March 7, 2017

Teenager pinokpok sa payo, binadil, nakasalvar


MALILIPOT, Albay 3/7/2017 (Bicol Standard) — Maswerteng naibitaran an posibleng kagadanan kan 17 anyos na lalaki na hinaromal nin kaputol na kawayan na nagtama sa saiyang angog.

An incidente nangyari kasuodmang mag-omagahon, poco mas o menos ala 1:45, sa P-2, Brgy. Cawayan digdi.

An victimang nabisto sa pangaran na Johnwel Bemeda y Dandan, residente kan P-4, Brgy. Comon, Tabaco City.

Base sa deklarasyon kan victima, nakalunad siya sa color azul na motorsiklo tanganing sunduon an saiyang amigo na si Raymond sa Sitio Palale, San Isidro sa banwaan na ini.

Pag abot pa sana niya sa lugar ni Reymond, may lalaki na nagwawala na basta na sana siya rinapado nin kapidasong kawayan asin tinamaan siya sa angog.

Huli sa kusog kan pagkahumbal saiya nag surokamang an victima, kasabay kan pagtumba kan motorsiklo na saiyang piglulunadan.

Idinugang pa kan victima na mientras nagdiriklom an pagheling niya, saro pang lalaki an nagdulok saiya hale sa likodan. May armas ining badil asin pinutokan siya nin pirang beses.

Listong nakadalagan an victima pasiring sa barangay hall asin naghagad nin tabang ki Tirso Bolanos para darahon siya sa Ziga Hospital sa Tabaco City.

May tama nin bala si Bemeda sa walang takyag asin may mga rungas sa angog, toong kamot asin may bakros sa tuhod.

Nag-iimbestigar pa an mga awtoridad kun ano an motibo sa nangyaring krimen.
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...