Monday, March 20, 2017

Task Force Briones binilog; bangkay, ilulubong atyan


MASBATE CITY 3/20/17/ (BICOL STANDARD) Sarong task force na maimbistigar asin mahanap kan naggadan sa mediaman na si Joaquin “Dos por Dos” Briones Jr., an binilog kasuodma, para maparikas an pagresolver kan krimen.

An grupo, inapod na Task Force Briones, kabale mismo an opisina kan Regional Director kan Philippine National Police Bicol, Deputy Regional Director for Operation, Intelligence Group kan Masbate Provincial Police Office, Milagros Municipal Police Station, Criminal Investigation and Detection Group asin iba pang mga ahensyas kan gobierno.

Si Briones maroromdoman na bantog na maray sa Masbate bilang maisog na comentarista.

Alagad kan nakaaging pirang taon nagsusurat nin column sa tabloid sa Manila.

Ginadan siya kan Marso 13, 2017 sa atubangan kan saindang harong sa Barangay Bacolod, Milagros, Masbate, poco mas o menos alas 8:30 nin aga.

An mga para gadan nakalunad sa 2ng motorsiklo na armado nin calibre .45, na pinatadom an limang bala sa likod kan victima.

Si Briones nakatalaan nang ilubong atyan na alas 2:00 nin hapon.

Mientrastanto, an mga miembros kan saiyang familia nagsabi na nagtagama sinda nin kantidad P200,000.00 na premyo sa sisay man na makatao nin guiya para maitukdo an mga reponsable sa krimen.

An saiyang tugang na si Rey Briones nagpahayag sa intrevista kan BICOL STANDARD na dakul na anggulo an saindang pig aadalan ngonian na pwedeng causa kan paglikidar sa saiyang tugang.

Kabale digdi an mga incidente na may relasyon sa pulitika sa saindang banwaan nin huli ta aktibong maray an victima sa lokal na politika, mala ngani ta nagkandidato bilang vice alkalde kan nakalihis na election.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...