Thursday, March 23, 2017

Reporter sa Tabaco City na nasukiti, desididong magreklamo

TABACO CITY 3/23/17 (BICOL STANDARD) – Ipinahayag ni Denis Bongalbal y Asejo, reporter sa lokal na estasyon nin radyo digdi, na desidido siyang mag-sunad nin reklamo kontra sa mga opisyal kan banwaan kan Malilipot na nag-punite saiya kan sarong bangui.




Sinabi ni Bongalbal sa BICOL STANDARD, nagpaguibo na siya nin affidavit na iyo an itakod sa reklamo na dadarahon nanunungdan na ahensya kan gobierno.

Maroromdoman na nag-osip sa pulis an victima kan su nangyari saiya sa Takasushi Resto Bar na namumugtak sa Brgy. Bombon, Tabaco City.

An pigtutukdo ni Bongalbal na nagsukiti saiya iyo si Avelino Binalla, Municipal Councilor kan Malilipot, Albay.

Nangyari ini kan Martes, Marso 21, 2017, alas 7:15 nin bangui.

Segun sa estorya kan victima na ipinarekord sa pulis, nagduman siya sa Resto Bar ta inimbitaran siya ni Municipal Councilor Margarita Sakay kan Malilipot, Albay, na iyo an kagsadire kan bar.

Pag abot niya, nagsabat si Sakay dangan inagda na magtukaw sa lamesa na okupado ni Vice Mayor Johanes Ampig kan Malilipot.

Mientrastanto, pakatukaw pa sana, sinabihan siya ni Ampig kan minasunod na tataramon: “May pandok ka pa na ipahiling samuya, muya mo latakon taka na digdi.”

Segundo sana an naka-agi, nagrani sa saiyang likodan an ipig rereklamong si Binalla, dagos siyang sinuntok sa parte kan saiyang tulak.

Nasaway man tulos kan ibang mga opisyal kan Malilipot, kaya dai na nadagos an gulo-gulo ni Binalla na kulgan pa siya.

Nag pasiring na suboot siya sa Ziga Memorial District Hospital para magpaheling sa doctor.

Inako ni Bongalbal na desidido siyang isangat an reklamo tanganing dai na ma-otro an nangyari saiya

Sa ibong na lado, dai pa nakuanan nin pahayag an ipig rereklamo digdi.
Share:

Featured Post

Daet ex-mayor convicted of malversation, graft charge

Former Daet, Camarines Norte Mayor Tito Sarion MANILA 10/12/17 (Bicol Standard) -- Former Daet, Camarines Norte Mayor Tito Sarion wa...