Tuesday, March 21, 2017

Reporter sa radyo, binanog nin kagawad kan Malilipot


TABACO CITY 3/21/17 (BICOL STANDARD) - May planong magsangat nin demanda an reporter sa radyo na si Dennis Bongalbal pagkatapos siya sukitihon siya sa estomago ni Kag. Avelino Binalla kan Malilipot, Albay.

Nangyari an incidente poco mas o menos alas 8:05 nin banggui (Marso 21) sa laog kan Taka Sushi Resto Bar, sa Brgy. Bombon digdi.

Sa intrevista kan BICOL STANDARD ki Bongalbal, pinaapod suboot siya ni Municipal Councilor Saki sa nasambit na Resto Bar tangani na magkahoron sinda dapit sa bareta na saiyang ipig aire sa radyo.

An bareta, segun ki Bongalbal manongod sa jueteng na may mga nangaranan na opisyales nin banwaan.

Dai suboot niya aram na sa kapareyong lugar makakahampang niya si Vice Mayor Ampig kan Malilipot, Albay asin an ibang mga consejal kan banwaan na sinda Kgd Avelino Binalla, Joel asin Saki.

Pagkahampang pa sana suboot kan victima sa grupo kan mga municipal officials hinapot tulos siya ni Vice Mayor Ampig kun ano an pandok na ipapaheling niya sainda, apisar na nagpaluwas siya nin negatibong bareta, na nakaratak sa mga opisyal kan banwaan.

Idinagdag ni Bongalbal na mientras siya nakahampang sa grupo ninda, dai siya nagmangno na nag-agi palan suboot si Kgd Avelino Binalla sa likod niya, dangan sunontok tulos siya sa tulak.

An siring na pangyayari ipinaabot kan victima sa pulis para mai-record an incidente.
Pig hihingowa pa ngonian na makua an lado kan mga ipig rereklamong opisyal kan Malilipot, Albay.
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...