Wednesday, March 15, 2017

Rep. Gonzalez, nagsayumang simbagon an pagboto pabor sa death penalty


LIGAO CITY—Nagsayumang magsimbag sa mga kahapotan kan mga miembros kan lokal na media si Albay 3rd District Representative Fernando Gonzalez kun nata ta nagboto siyang pabor sa pag imponir liwat kan sentenciang kagadanan.

Si Gonzales na bistadong relihiyoso, piglalaoman kan mga taga Albay na maboto nin kontra sa nasambit na propuesto, nin huli ta pwede siyang condinaron kan mga tawo.

Maroromdoman na an mga simbahan katolika nangingiriil na nagkokontra kan nasambit na bill huli sa argumento na solamente an Kagurangnan sana an igwa nin poder na magtapos kan buhay.

Apisar kan siring na sitwasyon, mayong girong si Gonzalez na nagbandilyo kan saiyang boto na nagpapabor sa nasambit na lehislasyon.

May pagtubod an mga nagmamasid na gusto sanang protehiran kan deputado an saiyang sadire asin para dai maapektaran an mga nakukuang biyaya hale sa presenteng administrasyon ni Presidente Rodrigo Duterte.

Sa ibong na lado, pwedeng singilon man guiraray si Gonzalez kan mga tawo ngapit sa panahon, kun siya liwat mag atubang na naman sa mga elector.
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...