Sunday, March 5, 2017

Paratinda nin 'fried chicken' nadaya kan parabudol-budol


LIGAO CITY, Albay 03/05/17 (BICOLSTANDARD) – Bagong “modus operandi” an pina-asir  kan para budol-budol na an naging victima iyo an paratinda nin fried chicken, na an kagsadire taga Brgy. Barcelonita, Cabusao, Camarines Sur.

Base sa sumbong sa pulis, sarong dai bistong lalaki an nag-order nin 3nd pidasong fried chicken.

An kakanon dadarahon sa Ligao Parish Church.

Sabi kan victima, tinugon siya kan parabakal na magdarang pan-oli kan P3,000.00 na ibabayad saiya, sa pagdeliver kan fried chicken sa dai bistong mabakal.

Pag-abot sana kan fried chicken, sinubli kan parabakal an cellphone kan paratindang manok tanganing kopyahon an numero kaini kan cura paroko.

Dangan, hinagad na saiya si oli na P2,370.00 para ibalik na sana saiya si bayad asin si cellphone.

Naghale si lalaki ta suboot maduman sa cura paroko, alagad dai na nagbalik sa paratinda.

Bitbit na kan para budol-budol si saiyang celphone asin si kantidad P2,370.00 na oli kuta sa P3,000.00, na dai man itinao saiya.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...