Thursday, March 16, 2017

Parahabon sa atubangan kan simbahan kan Daet, nagtira na naman


DAET, Camarines Norte 3/16/17 (Bicol Standard) -- Makulog an boot ni Arjhay Lina y Barayoga, 25 anyos na Criminology Student digdi na nagsumbong sa mga awtoridad ta hinabon an laog kan saiyang bag na nawalat na nakabitay sa atubangan kan St. John Parish Church, sa Brgy. I digdi kuodmang alas 10:20 nin odto.

Sa sumbong ni Lina sa pulis, naglaog siya sa simbahan tanganing magpasalamat asin mag-arang, sa mga balaog na saiyang nakamtan sa mga nakalihis na mga aldaw.

Nin huli ta madali man sana siya sa nasambit na lugar, iwinalat niya an dara-darang sling bag na nakasabit sa motrsiklo na saiyang piglunadan.

An motorsiklo ipinarada niya sa tunod sana kan St. John Parish Church.

Mientrastanto, grabe si kaba kan saiyang daghan ta pagbwelta niya, nagburarat an saiyang mata, nin huli ta bukas na an iwinalat na bag.

Naheling ni Lina na mayo na an saiyang iPhone na an kantidad P40,000.00.

Ipinarecord ini kan victima sa blotter kan pulis, dangan naghagad nin tabang ta baad mag-ribay nin isip an para habon, ibalik sa saiya.

An sabi kan pulis, nag-iimbestigar man sinda ngonian para masusog an parahabon.
Share:

SPECIAL OFFER

SPECIAL OFFER

Featured Post

Bogus tour operators in Bicol warned

DOT Bicol Regional Director Maria Ravanilla LEGASPI CITY 3/28/17 (Bicol Standard) — The Department of Tourism (DOT) Regional Office...