For immediate hiring

For immediate hiring

Friday, March 10, 2017

Para tinda nin sira asin shabu, nadakop sa Naga City


NAGA CITY 3/10/17 (BICOLSTANDARD) – Halawig na pagsubaybay an ginibo kan mga awtotidad para madakop an haloy nang sinasahotan na imbuelto sa pagbariwas nin shabu digdi na nabistong si Salustiano Gaite Abasola, 52 anyos na dating tanod sa barangay.

Kasubagong alas 5:45 nin amay, nahulos na siya sa kamot kan mga pulis sa guinibong buy bust operation sa Brgy. Bagumbayan.

Si Salustiano dating miembro kan tanod sa Liboton.

Alagad ngonian, driver na siya nin truck na nagdadara nin labas na sira sa Taguig City asin iba pang mga lugar sa Metro Manila.

An sabi ni Salustiano pigkukua niya an mga labas na sira sa Legaspi, Partido, asin sa Pasacao.

Enot pa kaini, nasa listahan na talaga an saiyang pangaran kan mga awtoridad huli sa mga sahot na may dakula siyang partisipasyon sa pagbariwas kan shabu digdi.

Afuera saiya, dakul pang iba an nasa listahan kan mga pig iimbestigaran, orog na an mga pahinante asin driver nin mga truck na may viaje pasiring sa Bicol pabalik sa Metro Manila.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...