Thursday, March 23, 2017

Oyster sauce, inikit nin babae, itinago sa panty

SORSOGON CITY 3/23/17 (BICOL STANDARD) – Haros matunaw sa supog an 46 anyos na babae na dinakop kan security guard sa Gaisano Capital huli sa sahot na nag-ikit siya nin Maggi oyster sauce na 300 ml, na an kantidad P57.00.



An babae pinangaranan sa pulis report na iyo si Sherman Frayna Nicolas, taga St. Vincent, Brgy. Bibincahan sa ciudad na ini.

Sabi sa record, an suspechado naheling kan sekyu na nagkua kan nasambit na producto sa estante kan tindahan, dangan ilinaog sa saiyang kalson para dai mareparo kan guardya.

Basado sa kapareyong report, sinabi na namamarong nin alak an hangaw kan suspechado kan siya aprehendiron asin darahon sa hepatura kan pulis.

An incidente nangyari sa Gaisano Capital, na makukua sa Magsaysay Street, Brgy. Almendras Cogon digdi.

Ipig record an incidenteng ini sa blotter kan pulis kan Marso 21, alas 3:15 nin hapon.

Maski sadit sana man an kasong ini, ipinarekord an pangyayari sa pulis tanganing dai na liwat pangarogan.

Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...