Tuesday, March 14, 2017

Naggadan kan maestro, dinakop


TABACO CITY (Bicol Standard)— Sarong security guard sa dakulang shopping mall an dinakop kan pulis huli sa pagtubod na igwa siyang pagkaaram sa pagkagadan kan maestrong si Jordan Averilla kan sarong aldaw.

Maroromduman na an victima, pirang beses na pinasakan nin matarom na kutsilyo sa saiyang lawas na naguing causa kan saiyang kagadanan.

Sabi sa report, an dinakop na suspechado iyo si Patrick Binias, nagtatrabaho bilang security guard sa LCC mall.

Inarestar siya poco mas o menos alas 10:00 nin nin banggui kasubanggui.

Mientrastanto, nagpahimutik tulos an inarestar na lalaki na nagsabi sa mga awtoridad na mayo siyang pagkaaram sa isinasahot saiyang krimen.

Inangat ni Binas an mga awtoridad asin an sisay pang iba na nagtutukdo saiya, na mag presentar nin evidencia na pwedeng makapagsabi na may aram siya sa nangyaring pag gadan.

Pig kwestyon man kan suspechado an pag dakop saiya kan awtoridad na mayong darang mandamiento de arresto na ipinaheling saiya.

Nagtutubod an suspechado na ibabasura sana an reklamo kontra saiya ta mayo nin pigbabasehan na ley an pagdakop sa saiya.
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...