Wednesday, March 29, 2017

Mag-agom binadil, lalaki binawian buhay

PARACALE, CNorte 3/29/17 (BICOL STANDARD) – Saro an nagadan asin saro an nalugadan kan sinda badilon nin dai nabistong tao kasoodmang alas 2:00 nin aga sa Purok 7A, Brgy. Bagumbayan digdi.


Sabi sa report kan pulis, nanok sa saindang pagturog an mag-agom na Jojo Mataya y Enova asin Mylene Mataya y Balmadrid kan laogon sinda sa saindang harong nin 2ng dai bistong mga tao. An duwang suspechado sa krimen nakataklob nin bonet sa saindang payo asin lalawgon asin naka sulot nin jacket kaya dai nabisto kan victima.

An pagtubod kan imbestigador, an tuyong gadanon iyo si Jojo Mataya, na an trabaho parakabod nin bulawan.

Tinamaan siya nin bala kan dai maaraman na calibre nin badil sa saiyang walang pisngi asin walang abaga.

An saiyang agom na si Mylene igwa man nin lugad sa angog ta natusok nin dai maaraman na matarom na bagay.

Mientrastanto, idinalagan pa kuta si Madrid sa Labo District Hospital para ipabulong. Alagad, sabi ni Adolfo Rosales Jr., mayo na siya nin buhay kan makaabot sa hospital.

Pakatapos na mabadil an mga victima marikas na nagdurulag an 2ng suspechado pasiring na dai aram na direksyon.

Mayong makapagsabi kun ano an motibo sa nasambit na krimen.
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...