Thursday, March 30, 2017

Kagawad sa barangay, tiklo sa ilegal na droga


MATNOG, Sorsogon 3/30/17 (Bicol Standard) –Yaon na sa laog kan PDEA Regional Office sa Bicol si Levy Geneblazo y Gardon a.k.a Apin, barangay kagawad kan Camachelis, sa banwaan na ini na nadakop sa buy bust operation kasuodmang alas 5:30 nin hanpon sa aktong pagpabakal nin shabu.

Inabot nin kadimalasan an suspechado ta si nakabakal kan saiyang panindang droga paon palan kan PDEA, katuwang an iba pang mga awtoridad.

Nakua sa saiyang poder an 2ng transparent sachet nin droga.

Segun sa pahayag ni PCI Jeric Sadia, hefe kan pulis digdi, haloy na nindang pig manmanan si Geneblazo, por medio sa mga sumbong na nagpapabakal siya nin shabu.

Mientrastanto sabi kan COP nin huli ta an suspechado naarestar sa “drug cleared” na barangay, magkakaigwa liwat sinda nin pagrepaso kan “flow chart”, base sa DDB Resolution na kaipohan gibohon sa laog nin 24 oras sa Provincial Police Office kan Sorsogon. Siring man, an BADAC matiripon liwat, asin magkakaigwa nin assembleya sa barangay para tukaron an incidente.

Gustong maaraman sa meeting kun affectado guiraray an barangay na ini kan illegal na droga.

An nadakop na barangay official iyo an namamayo sa consejo ninda kan comitiba dapit sa ilegal na droga.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...