Tuesday, March 14, 2017

Iwal mag-agom ta mayong bagas, babayi nagadan


LEGASPI CITY— Makulit na iwal nin mag-agom huli sa kawaran nin bagas na pansapna an guinikanan tanganing maituklang kan lalaki an agom na babae na nagresulta para an huri bawian nin buhay.

Ini an maludok na nangyari sa mag-agom na Solomon Tripulca asin Pebbles Tripulca, na taga Brgy. Victory Village digdi.

Segun sa report, naging violente an iwal kan mag-agom mantang nagkukurahawan ta mayo na nin masunod na pansapna.

Nagpoon an iwal kan mag-agom kan mag-swestyon an babae na ipabakal na sana an gamit na cellphone kan lalaki.

Nangingiriil na entero an lalaki ta kaipohan man suboot niya ini.

Dai naghaloy, ginapo sa babae si cellphone, na nagkawarasak.

Ini an pigguikanan kan grabeng iwal ninda.

Nagluluwas sa imbestigasyon na nadiscuidong naituklang ni Solomon si Pebbles kaya nagsurukamang ini.

Huli ta makusog an pagkatuklang sa agom na babae, nakapakol pa lugod an saiyang payo sa kariton, nadismayo asin duman siya natumba.

Idinalagan pa man tulos sa Bicol Regional Training and Teaching Hospital (BRTTH) an victima para malapatan nin bulong, alagad pakilihis nin pirang aldaw, binawian siya nin buhay.

An familia kan victima nagdulok na si Punong Barangay Tony Leverisa kan barangay na ini para maghapot kun ano an dapat na gibohon.

Pig-iisip kan mga nabayaan na mga partidaryos kan nagadan na magsangat nin kaso nin huli kan nangyari.

Nahuhutad an bangkay kan victima sa barangay chapel kan Victory Village.

An iwal kan mag-agom nangyari kan fecha 12, ngonian na bulan. (Report ni Susan Balane)
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...