Wednesday, March 15, 2017

Harong kan NBI agent, sinalakat


DARAGA, Albay— Sinalakat an residencia ni Ely Lobete y Arjona, empleyado bilang Administrative Aid sa Regional Office kan National Bureau of Investigation, sa Alamares Subdivision, Brgy. Sagpon sa banwaan na ini.

Sabi kan ni Lobete sa pulis, nakalaog an para salakat sa saiyang harong sa pag-oltanan kan alas 12:30 asin alas 5:00 nin aga kan Marso 14.

Nagpahayag an victima na naguimatansiya, alas 5:00 na nin aga kan asin nareparo na nawawara an nagkapirang mga importanteng personal na gamit.

Ipinalista ni Lobete sa blotter kan pulis an minasunod na gamit na nawara: 1 unit nin badil na glock generation 3, calibre .45 na pistol na may SN CPG 971 na may karga nin sarong magazine na nagkakantidad P40,000.00.

Kaiba pa sa mga nawara iyo an NBI badge, 1 itom na wallet na may laog nin kantidad P1,940.00, Landbank ATM card; mga ID bilang protection agent kan NBI, driver’s license, asin Lambat Sibat ID.

An mga nawara na mga gamit ibinugtak niya sa ika duwang eskalon kan cuarto, sa saiyang pigtuturogan na katre.

Mayo pang nasasahotan na posibleng iyo an nagsalakat. 
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...