Monday, March 27, 2017

Grade 6 pupil nakuang gadan, nakabitay sa kahoy

PIODURAN, Albay (BICOL STANDARD) – Sarong 13 anyos na aking lalaki na sarong semana nang naghale sa saindang harong an nakuang nakabitay sa kahoy, por medyo nin pisi na nakagakod sa saiyang liog.



An aki na taga Purok 6, sa Brgy. Basicao, Interior sa banwaan na ini nakua kan saiyang matuang tugang na nakatakod pa sa sanga kan kahoy.

Sabi sa report kan pulis, an aki, grade 6 sa Basicao Elementary School.

Nagluluwas sa deklarasyon kan familya kan gadan na basta na sanang naghale sa saindang harong na mayo nin paaram an aki.

Mayo pa nin malinaw na informasyon kun tano ta naglayas o naghale sa saindang harong an aki asin kun ini talagang nagpatiwakal kan saiyang buhay.

Itinago an pangaran kan aki huli ta siya menor de edad.

An incidenteng ini pig-iimbestigaran pa kan pulis.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...