Friday, March 3, 2017

FLASH: Lalaki binadil nin shotgun sa Mandaon, gadan


MANDAON, Masbate 03/02/17 (BICOLSTANDARD) –Pag-abot pa sana sa tungod kan saindang harong, binadil tulos nin dae nabistong lalaki si Esmiraldo Miguel y Valler, 60, kasubagong alas 6:45, ngonian na banggui.

An incidente nangyari sa Purok Maligaya, Brgy. Poblacion, sa banwaan na ini.

Sabi sa imbestigasyon, pig gagarahe kuta kan victima si saiyang piglulunadan na motorsiklo na biglang nagbutwa an para gadan, dangan pigparabadil tulos siya.

Duwang motorsiklo an gamit kan mga paragadan.

Base pa sa imbestigasyon, nagadan tulos an victima sa lugar na pinangyarihan kan incidente.

An mga suspechado marikas na nagdurulag pasiring sa Brgy. Tumalaytay, sa banwaan na ini. May posibilidad na personal na iriwal sa daga an guinikanan kan krimen.

Nakua sa lugar kan krimen an sarong dae pa gamit na bala para 12 gauge shotgun.

Hastang pigsusurat an baretang ini mayo pa nin nagluluwas na pangaran kan mga responsable sa krimen.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...