For immediate hiring

For immediate hiring

Thursday, March 16, 2017

Extortionist na taga Labo, dakop sa entrapment


DAET, Camarines Norte (BICOLSTANDARD) – Biyong tinarakigan si Edmar Clacio y Rocas, 24 anyos na taga Purok 1, Brgy. Iberica, Labo, Camarines Norte kan siya tokloon kan mga awtoridad, asin posasan mantang nagkukubra kan cuarta sa Smart Padala outlet digdi na hale sa saiyang victima.

Base sa report kan pulis hinagadan ni Clacio nin cuarta si Julie Ann Caramoan y Sotero, 27, pakatapos na patakoton sa paagi nin text message na suboot may may pugol siya nin sex video kan victima.

Si Caramoan, may agom asin registradong nurse, enot nang nabiktima kan suspechado kan fecha 12 ngonian na bulan sa paagui kan pareyong modus operandi.

An patanid ni Clacio iwawarak niya an suboot video sa paagui kan internet, kun dai siya tatawan nin cuarta.

Mientrastanto, kan Marso 14, alas 4:30 nin hapon, napiritan na an victima na magsumbong sa pulis kan Labo, Camarines Norte, kaya pig plano an entrapment operation.

Por medyo nin maigot na pag-tiktik kan mga awtoridad, nasusug an suspechaco sa Smart Padala outlet sa Daet, Camarines Norte na sadire ni Bong Alvarez.

Mantang nagkukubra si Clacio kan cuarta, yaon na man an mga pulis na nagdakop saiya.

Yaon na ngonian sa laog kan carcel an suspechado mantang pighahanda an mga kaso na isasampaling sa saiya.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...