Wednesday, March 22, 2017

Ex-mayor San Luis, vice, etc, ipigreklamo sa Ombudsman


NAGA CITY 3/22/17 (Bicol Standard)—Tinawan nin 10ng aldaw na plaso si Alexis S. San Luis, an dating alkalde kan banwaan nin Pili, Camarines Sur, si vice alkalde Rogelio Raymund D. Regondola, an mga kagawad sa banwaan na sinda Raul Delfin L. Divinagracia, Romeo S. Salazar, Joel N. Bolanos, Marivic B. Solano, Narcel SJ. Lopez, Adam M. Malate, John Apollo S. Manaog, Efren Amesola (ABC President), Bernard Estadilla, chairman kan Bids and Awards Committee (BAC), Teresita S, Borile, Mesalina V. Claro,pareyo State Auditors, Eileen D. Ceron, Municipal Accountant, Inier L. Candor, Edgardo B. Herbosa, kan B2B PRICENOW.COM., Inc., para simbagon an akusasyon ni Ramil Bueza Plofino na isinangat sa Ombudsman.

An nasambit na mga oficial kan gobierno sinasahotan na nagbalga kan Sec 3 (e) kan R.A. 3019, na mas bisto sa apod na Anti-Graft and Corrupt Practices Act; Code of Conduct and Ethical Standards for Public Officials and Employees asin kan Omnibus Election Code.

An complainant (Plofino), dating Private Secretary ni San Luis, pero sa presente nagtatrabaho na bilang Technical Consultant ni Mayor Tomas Bongalonta Jr.

Pig ako ni Plofino sa saiyang rekmalo sa Ombudsman na igwa siya nin personal na pagkaaram sa mga irregularidad na nangyari manongod sa 18 Module Electronic Local Government Operation System with Online Payment. Ini ipinakontrata sa B2B PRICENOW.COM. Inc.

Isinangat an reklamo sa Office of the Ombudsman for Luzon kan Enero 25, 2015.

Mientrastanto, sa surat na firmado ni Joaquin F. Salazar, kan opisina kan Deputy Ombudsman for Luzon, pig derehiran niya an gabos na pinangaranan sa reklamo na simbagon an mga akusasyon sa sainda sa laog nin 10ng aldaw, poon sa alwaw na narecibe ninda an order.

Sabi pa kan Ombudsman, kun dai magsimbag an mga respondents, pwedeng sa paagui nin Counter Affidavit o nin mga evidencia na mapahimutik kan mga sahot, an mga reklamo consideradong naka-sumitir sa Ombudsman para sa magkakanigong resolusyon.

An order na ini kan Ombudsman for Luzon may fechang Febrero 28, 2017.

Sa parte kan mga ipig reklamo, naaraman kan BICOL STANDARD na anas na man sindang nagpepreparar kan saindang mga Counter Affidavits.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...