Wednesday, March 29, 2017

(UPDATED) Estudiante sa Ligao City, nakuang gadan sa laog kan LC lodge


LIGAO CITY 3/28/17 (BICOL STANDARD) –Sarong bangkay nin 15 anyos na babae, Grade 9, an nakua sa laog kan LC Lodge sa Brgy. Danao digdi.

An menor de edad taga P5, Brgy. Nasisi, Ligao City.

Sa report kan pulis ngonian na aga sinasabing an security guard na nabisto sa pangaran na Jeovin Ravano, taga Brgy. Guilid an nakadiscubre kan bangkay sa laog kan LC lodge, na nakasulot nin PE uniform na may imprentang Barangayng NHS. May sulot man siyang itom na leggings.

Si Ravano nagsabi sa pulis na naheling an gadan sa laog kan toilet (CR) sa laog kan LC lodge.

An bangkay naka tukaw sa inodoro, may busal sa ngimot, asin nakahuros an leggings.

Nagkakasiribot pa ngonian an mga awtoridad digdi sa pag usisa kun sisay an imbuelto sa paggadan kan babae.

Nagpaluwas nin informasyon an pulis na nakakua nin pregnancy test sa laog kan kwarto kaya may pagduda na bados an estudyante.

Magkakaigwa nin autopsia tanganing aramon kun talagang bados an victima.

Segun sa enot na imbestigasyon, may naheling na lalaki na kaiba an babae kan maglaog sa LC lodge.

Alagad dai pa nabibisto an saiyang pangaran hastang sinusurat an baretang ini.

Nangyari an incidente kasubanguing alas 7:30, sabi sa bareta.

Mientrastanto, dinugang pa ni Gomez na bawal magpalaog nin mga menor de edad an mga lodging house.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...