Monday, March 27, 2017

Elavil bus nakatupa nin motorsiklo, 1 an gadan

Stock photo from Elavil Bus Terminal on Facebook
DARAGA, Albay 3/27/17 (BICOL STANDARD) - Sarong aksidente an nangyari kan mabudalan kan Elavil Bus an motorsiklo na pigmamaneho ni Tirso Melejana y Miranda, poco mas o menos alas 9:45 nin banggui, kasubanggui.

An incidente nangyari sa P-1, Brgy. Tabon-Tabon digdi.

Sabi sa imbestigasyon, an Elavil Bus asin an tricycle pareyong nagdadalagan pasiring sa Provincia kan Sorsogon.

Pag-abot sa Brgy. Tabon-Tabon, natupa kan bus an hurihan na parte kan motorsiklo, kaya nagsurukamang ini. Huli sa kusog kan pagkabudal, natumba an motorsiklo sa balyong parte kan tinampo.

Afuera kan driver, igwa pang tulong tao na nakasuno, na nabisto sa mga pangaran na Vivian Melajana y Morga, 42, Myra Melajana y Morga, 18, and Mary Grace Melejana y Morga, 21, anas taga Brgy. Tabon-Tabon.

Huli sa nasambit na aksidente, binawian nin buhay si Vivian Melajana, mantang an ibang mga nakasuno sa motorsiklo pigbubulong sa Bicol Regional Training and Teaching Hospital (BRTTH) sa Legaspi City.

An driver kan Elavil Bus na may plate No. TYU 214 iyo si Leonardo Villarosa y Espidillon, na taga Brgy. Ogao, Gubat, Sorsogon.

An mga vehiculo na naimbuelto sa aksidenteng ini an nakagarahe ngonian sa hepatura kan pulis digdi, para sa magkakanigong imbestigasyon.
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...