Friday, March 17, 2017

Driver nin motorsiklo gadan kan makabudal nin pedestrian sa San Andres, Catanduanes


SAN ANDRES, Catanduanes 3/17/17 (BICOLSTANDARD) Gadan na kan makaabot sa Eastern Bicol Medical Center (EBMC) an lawas ni Dustin Victor Camacho, na naaksidente kasubagong alas 6:30 nin aga sa Brgy. Rizal digdi.

Sabi sa pulis report, si Camacho nakalunad sa motorsiklo kasuno an saiyang magurang na si Maria Victoria Camacho y Aguilar kan makabunggo nin tawong nagbagtas sa tinampo.

An direksyon kan victima pasiring sa centro kan banwaan, sabi kan nagrespondeng pulis na si SPO3 Clemente Arcilla.

Nin huli sa aksidente, pareyong idinalagan sa hospital an mag-ina tanganing ipabulong.

Alagad, si Dustine Victor Camacho, mayo nang hinangos sabi ni Dr. Abigael A. Valeza.

An nabangga na tawo kan motorsiklo nagsapo nin dikit na mga bakros asin rungan sa saiyang lawas.

Ipinaabot sa pulis an aksidente ni Punong Barangay Dorando Evangelista.
Share:

Featured Post

Legazpi to build housing units for city's poorest families

Rosal By Emmanuel Solis LEGAZPI CITY -- Local officials here are fine-tuning all documents for the construction of a housing project ...