Tuesday, March 28, 2017

5ng parakuryente nin 'anunutsot,' arestado sa Bula


BULA, Camarines Sur 3/28/17 (Bicol Standard) – Huli sa sahot nin pagbalga sa Section 92 kan Republic Act 8550 na pig emiendahan kan Republic Act 10654 (Fisheries Code), lima (5) na mga residentes kan Brgy. Casugad sa banwaan na ini an inarestar kan mga pulis katuwang an representante kan Bureau of Fisheries and Aquatic Resources (BFAR) sa Bicol.

An sabi sa report, sinda Reynante Paulino y Quinti, 40 anyos; Alfredo Prestado y Figuracion, 41; Raffy Baldoza y Espanto, 21 anyos; Ryan Cyntina y Paunil, 25 anyos asin si Edwin Prestado y Sanyo, 28 anyos, imbuelto sa pagdakop nin mga sarong klaseng anunutsot na nakukua sa mga oma asin sapa, sa paagui nin paggamit nin kuryente.

Dinakop sinda kasoodmang alas 5:50 nin hapon sa Brgy. Salvacion digdi.

Afuera kan 10ng kilong anunutsot na nakua sa sainda, kinumpiskar man kan pulis asin tawohan kan BFAR an anom na electro fishing device na ginamit kan mga nasambit na persona.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...