For immediate hiring

For immediate hiring

Tuesday, March 28, 2017

Boarding house sa Naga, target kan mga mahabon


NAGA CITY 3/28/17 (Bicol Standard) — Pinatanidan kan pulis an estudiante asin residentes digdi na dai imaging aliwalas sa saindang mga gamit sa tahaw na nagkapira nang incidente nin harabonan na an mayor na victima iyo an mga boarding houses.

An parateng biktima iyo an mga cuarto nin mga estudiante na nasa palibot kan Brgy. Peñafrancia, na bistadong pig eestaran kan mga nag-aadal sa paralibot na eskwelahan na namumugtak sa nasambit na barangay.

An pinakabago na incidente nagsalakat nin sarong cuarto sa Catura’s Boarding House sa No. 14, San Antonio St., Brgy. Peñafrancia na arkilado kan mga eskwelang sinda Jean Belen y Almediere, Jerymy Belen y Almediere, asin Jenny Buiding y Belen, na anas taga Brgy. Taisan, Bula, Camarines Sur.

An parahabon naglaog sa mayor na pwertahan kan harong, dangan nagpasiring sa ika duwang eskalon na kun saen namumugtak an pig aarkilang cuarto kan mga victima.

Mantang nasa ika duwang eskalon an parahabas, fuersahan na rinaot an gibo sa plywood na pwerta asin an barrel bolt na kandado tanganing makabwelo sa pagkua kan gabos na nakursunadahan na ikiton.

Base sa repot sa pulis, nangyari ini sa pag-oltahan kan oras na alas 3:00 hasta alas 5:00 kan Domingong mag-omagahon (Marso 26). An mga victima anas nanok sa pagturog sa saindang kwarto.

An mga nawara iyo an minasunod: sarong cellular phone, kantidad P3,500.00; P10,000.00 na cash; sarong cellular phone na an kantidad P7,000.00; asin sarong cellphone na an valor P2,500.00.

Afuera kan nasambit na pangyayari, nagkapira pang mga incidente nin harabonan an nanotaran digdi. Dai pa nabibisto o nadadakop an mga responsable.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...