Friday, March 31, 2017

Daet: 1 nalamos, 1 nakasalvar sa Bagasbas Beach Resort


DAET, Camarines Norte 3/31/17( Bicol Standard) Saro an nalamos, an saro naisalvar sa Bagasbas Beach Resort, sa banwaan na ini.

Nangyari an incidente kan sarong aldaw (March 29), alas 5:35 nin hapon.

An binawian nin buhay iyo si Richard Cole y Gallarde, taga Davao del Sur, mantang an na-agapan iyo si Romeo Anana, pareyong nagtatrabaho sa ESCO Tech Corporation, na nakabase sa Metro Manila.

Sabi sa report kan pulis, dai kinaya ni Cole si darakulang alon na dara kan makusog na duros amihan.

Si Anana, sa ibong na lado, naisalvar kan mga lifeguards na sinda Diosdado Lelis asin Salvador Oclaris asin nagpaparahay ngonian sa hospital.
An Camarines Norte Police Provincial Office nagsabi na si Cole asin Anana kaibahan kan grupo nin mga empleado kan companiya sa saindang company outing.
Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...