Tuesday, March 21, 2017

Army, NPA nagbaradilan naman sa Lupi


NAGA CITY 3/21/17 (BICOL STANDARD) Mayong nagadan sa maabot sa diyes (10) minutos na baradilan entre kan Army asin New People’s Army (NPA) sa Sitio Doce, Brgy. Bagong Sikat digdi kasubagong alas 5:45 nin aga, ngonian na aldaw.

Base sa ipinaabot na report hale ki Capt. Ronie Madrinan kan 9th Infantry Division kan Army, natagboan kan mga soldados an mga rebelde sa saindang pagrecorida sa mga barangay.

An hinahanap kan mga soldados kan gobierno iyo si mga nagtambang kan tulong mga CAFGU sa Ragay, Camarines Sur.

Mientrastanto, pakatapos kan encuentro nakapurot an mga miembros kan military nin calibre .45ng badil, mga bala asin iba pang mga gamit na nawalat kan mga rebelde kan sinda magtitipwasan padulag.

Posible suboot na may tinamaan nin bala sa lado kan mga rebelde.

Mantang sinusurat an baretang ini, nagpapadagos pa sinda sa paglapag kan mga kalaban.
Share:

Featured Post

14ng pasahero sa jeep na nahulog sa Tinambac, salbado na

TINAMBAC, CSur - Binasol ni Municipal Councilor Jonas Soltes an Department of Public Works and Highways (DPWH) sa saindang kapabayaan n...