Thursday, March 9, 2017

Ama, ina, 6 anyos na aki, naaksidente sa motorsiklo sa Daraga


DARAGA, Albay 03/09/17 (Bicol Standard) – Pigbubulong ngonian sa Bicol Regional Training and Teaching Hospital (BRTTH) sa Legaspi City an mag arama na nadisgracia sa motorsiklo na pasiring kuta sa Poblacion kan banwaan na ini.

An aksidente nangyari sa P-1, sa Brgy. Anislag digdi.

Base sa report kan pulis, pigmamaneho ni Sonny Andres y Mutcha, 29, asin kasuno niya an saiyang agom na si Joan Andres y Marianas, 29, asin an saindang 6 anyos na aking si Joanna.

An mga victima taga P-1 kan Brgy. Del Rosario, Pilar, Sorsogon.

Afuera kan mag arama, nabudalan pa kan dimalas na vehiculo an mga naglalakaw sa tinampo na nabisto sa pangaran na Jomas, taga Brty. Potiao, Pilar, Sorsogon asin Cesar Espayos, na taga Villahermosa sa banwaan na ini.

An tulong miembros kan familya Andres asin an duwang iba pang mga victima an pigbubulong sa hospital.

Segun sa report, an strictong ipigpapaotob digdi an ordinansa na nagbabawal sa pagsuno nin aki na an edad 7 anyos paibaba.

Alagad, apisar kan pagbawal kan bagay na ini sa ordinansa, dakul pa guiraray an nanonotaran na nagbabalga.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...