Thursday, March 2, 2017

Akusadong Carnapper, nadakop sa centro kan Naga City


NAGA CITY 03/02/17 (BICOLSTANDARD) –Mantang naglalakaw-lakaw sa tinampo sa Elias Angeles, sa tungod Plaza Quezon, tinuklo kan mga pulis si Ralph Marcellano y Jermies, 19, taga Acacia St., Brgy. Abella digdi, huli kan saiyang inaatubang na Warrant of Arrest.

Si Marcellano akusado nin Carnapping (R.A. 6539) sa sala ni Judge Soliman Santos Jr., kan Branch 61 kan Regional Trial Court digdi.

An akusado, sabi kan pulis, temporaryong nag-eestar ngonian sa sa Haring, Canaman, Camarines Sur.

Base sa report, mismong si PCInsp. Josefa Sylvia L. Zape, an Acting Station Commander kan Naga City Police Station 1 an namayo kan grupo na nagdakop sa akusado.

Si Judge Santos nagrekomendar nin fianzang kantidad P180,000.00 para sa saiyang temporaryong libertad.

Siya iyo an pig coconsiderar na No. 6 na Most Wanted Person sa nasambit na hepatura kan pulis.
Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...