Thursday, March 23, 2017

Akusado nin Violence against Women and Children nagsuko sa Nabua police

NABUA, CSur 3/23/17 (BICOL STANDARD) — Voluntad na nagsuko sa hepatura kan pulis si Frederick Iballar y Pesebre na taga Brgy. Lourdes Young, sa banwaan na ini, tanganing atubangon an kasong isinangat kontra saiya.




Si Iballar akusado nin paglapas sa R.A. 9262 na sarong espesyal na ley na inaapod na “Violence against women and children.”

Nagtuyo an akusado sa pulis na iyo an may pugol kan mandamiento de aresto.

An akusasyon kontra ki Iballar bibistahan sa Branch 36 kan Regional Trial Court.

Nag rekomendar si Judge Maria Clarissa L. Pacis-Trinidad nin fianzang kantidad P24,000.00 para sa saiyang temporaryong libertad.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...