Wednesday, March 29, 2017

7ng taga CNorte, dakop huli sa shabu

DAET, CNorte 3/29/17 (BICOLSTANDARD)  Pito an nahulog sa kamot kan pulis sa nagpapadagos na operasyon kontra sa illegal na droga sa Camarines Norte.



An pinagsararong miembros kan Camarines Norte Police Provincial Office, Camarines Norte Provincial Public Safery Company, CNCIDT, PDEA, Regional asin Provincial Drug Enforcement units-Special Operations Units, asin an mga police sa 5ng banwaan sa Camarines Norte an tarabang sa one time big time operation.

An mga sinakyada kan nasambit na grupo iyo an mga banwaan kan Jose Panganiban, Labo, Mercedes, Talisay asin Vinzons, kan fecha 27 asin 28 ngonian na bulan.

Sa Talisay, an nadakop sa buy bust operation iyo si Joe Mar Ubana y Ramos na nakuanan nin shabu asin marijuana sa saiyang poder.

Nadakop man si Jullius Mediavillo y Olis alias Emo sa Barangay Parang, Jose Panganiban na may pugol man nin 6 na pidasong heat sealed small plastic sachet na may laog nin shabu.

Mientrastanto, sa Purok 5, Brgy. Santa Rosa Sur, Jose Panganiban, an nakuanan nin shabu iyo si Rommel Sayson y Leria, sa ginibong search operation sa saiyang residencia.

Sa Purok 7, Barangay Malatap, Labo, ipig iplementar an search warrant sa residencia ni Jayson Belmonte y Gaza, asin nakakua man nin 5ng pidaso nin plastic sachet na may laog nin shabu an mga awtoridad.

An saro pang nadakop sa kapareyong barangay kasoodmang alas 4:00 nin hapon iyo si Mario Hernandez, na may pugol nin 6 na pidasong small-heat sealed shabu.

Si Daniel Zenarosa y Maigue, na taga Bautista St., Barangay Poblacion, Vinzons nadakopan man nin shabu asin si Noel Villarete y Evangelista, taga Mercedes, Camarines Norte, nabakalan man nin shabu asin may nakuang mga drug paraphernalia sa saiya.

An mga search warrants na ginamit sa operasyon kan mga ahentes kan gobierno firmado ni Judge Evan Dizon, Executive Judge kan Regional Trial Court sa Daet, Camarines Norte.

Gabos sinda sasangatan nin kaso sa pagbalga kan ley sa illegal na droga.
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...