Sunday, March 5, 2017

6 na lalaki binitbit kan PDEA sa Daraga, Albay


DARAGA, Albay 03/05/17 (Bicol Standard) – Sinakyada kan mga tawohan kan Philippine Drug Enforcement Agency (PDEA) an residencia ni Michael Ballrbare alyas Mike, sa kusog kan Search Warrant na firmado ni Judge Elmer Lanuzo kan Branch 6 kan Regional Trial Court sa Legaspi City.

Nakua sa residencia kan suspechado an dai pa nadeterminaran na illegal na droga (shabu) asin sarong calibre .38ng revolver.

Afuera ki Ballarbare, limang iba pang persona an inabotan kan mga tawohan kan PDEA sa laog kan saindang harong.

An incidenteng ini nangyari sa P1, Brgy. Kilicao sa banwaan na ini.

Ginibo an raid kasubagong alas 2:41 nin hapon, ngonian na aldaw.

Sasangatan sindang caso sa pagbalga kan R.A. 9165 (Comprehensive Dangerous Drugs Act of 2002.

Share:

Featured Post

Daet ex-mayor convicted of malversation, graft charge

Former Daet, Camarines Norte Mayor Tito Sarion MANILA 10/12/17 (Bicol Standard) -- Former Daet, Camarines Norte Mayor Tito Sarion wa...