Wednesday, March 22, 2017

3ng babae arestado sa kasong Illegal Gambling


MERCEDES, Camarines Norte 3/22/17 (BICOL STANDARD) — Tulong babae na anas akusado nin pagsugal an dinarakop kan mga pulis susug sa mandamiento de arresto na hale sa jusgado digdi.

Nabisto an saindang mga pangaran na iyo sinda Virginia Ablao y Austria, Susay Roxas y Nebia asin Esperanza Dequina y Jardin, gabos taga Purok 4, Brgy. 4 sa banwaan na ini.

An mandamiento de arresto firmado ni Judge Victoria C. Dino-Reyes, an Presiding Judge kan Municipal Trial Court digdi.

May inaatubang sindang kasong pagbalga sa Presidential Decree 1602 (Illegal Gambling) na may rekomendadong fianza na kantidad P10,000.00 sa kada saro sainda.

Ipig presentar na kan pulis sa oficina kan MTC an mga inarestar.
Share:

Featured Post

14ng pasahero sa jeep na nahulog sa Tinambac, salbado na

TINAMBAC, CSur - Binasol ni Municipal Councilor Jonas Soltes an Department of Public Works and Highways (DPWH) sa saindang kapabayaan n...