Tuesday, March 21, 2017

3 gadan sa banggaan nin kotse asin Philtranco bus sa Camalig, Albay

Photo by Arnel Mendaza Vitalicio via Vince Villar

CAMALIG, Albay 3/21/17 (Bicol Standard) –Tulong personas an confirmadong nagadan sa aksidente sa tinampo na nangyari kasubanggui, alas 9:45 sa Brgy. Ilawod digdi.

Segun sa pahayag ni PSupt. Benito Dipad, hefe kan Camalig PNP, an mga binawian nin buhay iyo sinda Mary Jane Ayende, Joshua Milano, asin Juliana Ayende. Sinda gabos mga residente kan Brgy. Pinaric, Legaspi City.

Nagluluwas sa imbestigasyon kan pulis na an mga nagadan nakalunad sa Toyota Corolla na may plate number ACV 653 na an direksyon kan vehiculo pasiring sa Legaspi City, hale sa Guinobatan, Albay.

Sabi sa report, nagbanggaan an Toyota Corolla asin Philtranco Bus (plate number ACD 1496) na pigmamaneho ni Neil Pinongpong y Redoble, na taga New Quezon, Hagonoy, Davao Del Sur.

Nagpapadagos pa an imbestigasyon kan aksidenteng ini.

Mientrastanto, tulong iba pang nakasakay sa naaksidenteng vehiculo an pigbubulong ngonian sa Bicol Regional Training and Teaching Hospital (BRTTH) sa Legaspi City.

An saindang mga pangaran iyo an minasunod: Jamir Barado, 8 anyos, Kathleen Barado, 4 anyos asin May Vargas, 32 anyos.
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...